TarkasaMgrahaH
(1) nidhAya hRdi viZveZaM vidhAya guru-vandanam/
 bAlAnAM sukha-bodhAya kriyate tarka-saMgrahaH//
(2)dravya-guNa-karma-sAmAnya-viZeSa-samavAya^a-bhAvAH sapta pada^arthAH//
(3)tatra dravyANi pRthivy-ap-tejo-vAyv-AkAZa-kAla-dig-Atma-manAMsi nava-eva//
(4)rUpa-rasa-gandha-sparZa-saMkhyA-parimANa-pRthaktva-saMyoga-vibhAga-paratva^aparatva-
gurutva-dravatva-sneha-Zabda-buddhi-sukha-duHkha^icchA-dveSa-prayatna-dharma^a-dharma-
saMskArAZ caturviMZati guNAH//
(5)utkSepaNa^avakSepaNa^AkuJcana-prasAraNa-gamanAni paJca karmANi//
(6)param aparaM ca^iti dvividhaM sAmAnyam//
(7)nitya-dravya-vRttayo viZeSAs tv an-antA eva//
(8)samavAyas tv eka eva//
(9)a-bhAvaZ caturvidhaH/ prAg-a-bhAvaH pradhvaMsa^a-bhAvo 'tyanta^a-bhAvo 'nyonya^a-bhAvaZ 
ca^iti//
(10)gandhavatI pRthivI/ sA dvividhA nitya^a-nityA ca/ nityA paramANu-rUpA/ a-nityA kArya-rUpA/ 
punas trividhA ZarIra^indriya-viSaya-bhedAt/ ZarIram asmad-AdInAm/ indriyaM gandha-grAhakaM 
ghrANaM nAsa^agravarti/ viSayo mRt-pASANa^AdiH//
(11)Zita-sparZavatya ApaH/ tA dvividhAH nityA a-nityAZ ca/ ntyAH paramANu-rUpAH/ a-nityAH 
kArya-rUpAH./ punas trividhAH. ZarIra^indriya-viSaya-bhedAt/ ZarIraM varuNa-loke/ indriyaM 
rasa-grAhakaM rasanaM jihva^agravarti/ viSayaH sarit-samudra^AdiH//
(12) uSNa-sparZavat tejaH/ tad dvividhaM nityam a-nityaM ca/ niyyaM paramANu-rUpam/ a-
nityaM kArya-rUpam/ punas trividhaM ZarIra^indriya-viSaya-bhedAt/ ZarIram Adityaloke/ indriyaM 
rUpa-grAhakaM cakSuH kRSNatAra^agravarti/ viSayaZ caturvidhaH/ bhauma-divya-audarya-
Akaraja-bhedAt/ bhaumaM vahny-Adikam/ abindhanaM divyaM vidyud-Adi/ bhuktasya 
pariNAma-hetur audaryam. AkarajaM suvarNa^Adi//
(13)rUpa-rahita-sparZavAn vAyuH/ sa dvividho nityo 'nityaZ ca/ nityaH paramANu-rUpaH/ a-nityaH 
kArya-rUpaH/ punas trividhaH ZarIra^indriya-viSaya-bhedAt/ ZarIraM vAyu-loke/ indriyaM 
sparZa-grAhakaM tvak-sarva-ZarIravarti/ viSayo vRkSa^Adi-kampana-hetuH// ZarIra^antaHsaMcArI 
vAyuH prANaH/ sa ca^eko 'py upAdhi-bhedAt prANa^apAna^Adi-saMjJA labhate//
(14)Zabda-guNam AkAZam/ tac ca^ekaM vibhu nityaM ca//
(15)atIta^Adi-vyavahAra-hetuH kAlaH/ sa ca^eko vibhur nityaZ ca//
(16)prAcya^Adi-vyavahAra-hetur dik/ sA ca^ekA vibhvI nityA ca//
(17)jJAna^adhikaraNam AtmA/ sa dvividhaH param-AtmA jIva^AtmA ca/ tatra^IZvaraH sarvajJaH 
param-AtmA-eka eva/ jIva^AtmA pratiZarIraM bhinno vibhur nityaZ ca//
(18)sukha^Ady-upalabdhi-sAdhanam indriyaM manaH/ tac ca pratyAtma-niyatatvAd anantaM 
paramANu-rUpaM nityaM ca//
(19)cakSur-mAtra-grAhyo guNo rUpam/ tac ca Zukla-nIla-pIta-rakta-harita-kapiZa-citra-bhedAt 
saptavidhaM pRthivI-jala-tejo-vRtti/ tatra pRthivyAM saptavidham/ abhAsvara-ZuklaM jale/ 
bhAsvara-ZuklaM tejasi//
(20)rasana-grAhyo guNo rasaH/ sa ca madhu-rAmla-lavaNa-kaTu-kaSAya-tikta-bhedAt SaDvidhaH/ 
pRthivyAM SaDvidhaH/ jale madhura eva//
(21)ghrANa-grAhyo guNo gandhaH/ sa ca dvividhaH surabhir-asurabhiZ ca/ pRthivI-mAtra-vRttiH/
(22)tvag-indriya-mAtra-grAhyo guNo saparZaH/ sa ca trividhaH Zita^uSNa^anuSNa^aZIta-bhedAt/ 
pRthivy-ap-tejo-vAyu-vRttiH/ tatra ZIto jale/ uSNas tejasi/ anuSNa^aZItaH pRthivI-vAyvoH//
(23)rUpa^Adi-catuSTayaM pRthivyAM pAkajam a-nityaM ca/ anyatra^apAkajaM nityam antyaM ca/ 
nityagataM nityam/ a-nityagatam a-nityam//
(24)ekatva^Adi-vyavahAra-hetuH saMkhyA/ nava-dravya-vRttir ekatva^Adi-parArdha-paryantA/ 
ekatvaM nityam a-nityaM ca/ nityagataM nityam a-nityagatam a-nityam/ dvitva^AdikaM tu 
sarvatra^a-nityam eva//
(25)mAna-vyavahAra-kAraNaM parimANaM/ nava-dravya-vRtti/ tac caturvidham/ aNu mahad 
dIrghaM hrasvaM ca^iti//
(26)pRthag-vyavahAra-kAraNaM pRthagtvaM/ sarvadravyavRtti//
(27)saMyukta-vyavahAra-hetuH saMyogaH/ sarvadravyavRttiH//
(28)saMyoga-nAZako guNo vibhAgaH/ sarvadravyavRttiH//
(29)para^apara-vyavahAra^asAdhAraNa-kAraNe paratva^aparatve/ pRthivy-Adi-catuSTaya-mano-
vRtti^iti/ te dvividhe dik-kRte kAla-kRte ca/ dUra-sthe dik-kRtaM paratvam/ samIpasthe dik-kRtam 
aparatvam/ jyeSThe kAla-kRthaM paratvam/ kaniSThe kAla-kRtam aparatvam//
(30)Adya-patana^asamavAyi-kAraNaM gurutvaM/ pRthivI-jala-vRtti//
(31)Adya-syandana^asamavAyi-kAraNaM dravatvaM pRthivy-ap-tejo-vRtti/ tad dvividhaM 
sAMsiddhikaM naimittikaM ca/ sAMsiddhikaM jale naimittikaM pRthivI-tejasoH/ pRthivyAM 
ghRta^AdAv-agni-saMyogajanyaM daravatvam/ tejasi suvarNAdau//
(32)cUrNa^Adi-piNDI-bhAva-hetur guNaH snehaH/ jala-mAtra-vRttiH//
(33)Zrotra-grAhyo guNaH ZabdaH/ AkAZa-mAtra-vRttiH/ sa dvividho dvany-Atmako varNa^AtmakaZ 
ca^iti/ dvany-Atmako bhery-Adau/ varNa^AtmakaH saMskRta-bhASA^Adi-rUpaH//
(34)sarva-vyavahAra-hetur buddhir jJAnam/ sA dvividhA smRtir-anubhavaZ ca/ saMskAra-
mAtra-janyaM jJAnaM smRtiH/ tad-bhinnaM jJAnam anubhavaH//
(35)sa dvividho yathArtho 'yathArthaZ ca/ tad-vati tat-prakArako 'nubhavo yathArthaH/ yathA 
rajata idaM rajatam iti jJAnam/ sa eva pramA^ity ucyate/ tad-a-bhAva-vati tat-prakArako 'nubhavo 
'yathArthaH/ yathA ZuktAv idaM rajatam iti jJAnam//
(36)yathArtha^anubhavaZ caturvidhaH pratyakSa^anumity-upamiti-Zabda-bhedAt/ tat-karaNam api 
caturvidhaM pratyakSa^anumAna^upamAna-Zabda-bhedAt//
(37)asAdhAraNam kAraNaM karaNam/
(38)kArya-niyata-pUrva-vRtti kAraNam/
(39)kAryaM prAg-a-bhAva-pratiyogi/
(40)kAraNaM trividhaM samavAyy-asamavAyi-nimitta-bhedAt/ yat samavetaM kAryam utpadyate 
tat samavAyikAraNam/ yathA tantavaH paTasya paTaz ca khagata-rUpAdeH/ kAryeNa kAraNena vA 
saha^ekasminn arthe samavetatve sati yat kAraNaM tad asamavAyikAraNam/ yathA tantusaMyogaH 
paTasya tanturUpaM paTarUpasya/ tad-ubhaya-bhinnaM kAraNaM nimittakAraNam/ yathA turI-
vema^AdikaM paTasya/
(41) tad etat-trividha-kAraNa-madhye yad asAdhAraNaM kAraNaM tad eva karaNam//
(42)tatra pratyakSa-jJAna-karaNaM pratyakSam/ indriya^artha-sannikarSa-janyaM jJAnaM 
pratyakSam /tad dvividhaM nirvikalpakaM savikalpakaM ca^iti/ tatra nirvikalpakaM jJAnaM 
nirvikalpakaM yathA^idaM kiMcit/ saparakArakaM jJAnaM savikalpakaM yathA Dittho'yam 
brahmaNo'yaM ZyAmo'yam iti//
(43)pratyakSa-jJAna-hetur indriya^artha^sannikarSaH SaDvidhaH/ saMyogaH saMyukta-samavAyaH 
saMyukta-samaveta-samavAyaH samavAyaH samaveta-samavAyo viZeSaNa-viZeSya-bhAvaZ ca^iti/ 
cakSuSA ghaTa-pratyakSa-janane saMyogaH sannikarSaH/ ghaTa-rUpa-pratyakSa-janane 
saMyukta-samavAyaH sannikarSaH cakSuHsaMyukte ghaTe rUpasya samavAyAt/ rUpatva-
sAmAnyapratyakSe saMyukta-samaveta-samavAyaH sannikarSaH cakSuH-saMyukte ghaTe rUpaM 
samavetaM tatra rUpatvasya samavAyAt/ ZrotreNa Zabdasya^AkAZa-guNatvAt guNa-guNinoZ ca 
samavAyAt/ Zabdatva-sAkSAtkAre samaveta-samavAyaH sannikarSaH Zrotra-samavete Zabde 
Zabdatvasya samavAyAt/ a-bhAvaparatyakSe viZeSaNa-viZeSya-bhAvaH sannikarSo ghaTa^a-
bhAvavad bhRtalam ity atra cakSuH-saMyukte bhUtale ghaTa^a-bhAvasya viZeSaNatvAt/ evaM 
snnikarSa-SaTka-janyaM jJAnaM pratyakSam/ tatkaraNam indriyam/ tasmAd indriyaM 
pratyakSa-pramANam iti siddham//
(44)anumiti-karaNam anumAnam/ parAmarZajanyaM jJAnam anumitiH/ vyApti-viZiSTa-pakSa-
dharmatA-jJAnaM parAmarZaH/ yathA vahni-vyApya-dhUmavAn ayaM parvata iti jJAnaM 
parAmarZaH/ taj janyaM parvato vahnimAn iti jJAnam anumitiH/ yatra yatra dhUmas tatra^agnir 
iti sAhacarya-niyamo vyAptiH/ vyApyasya parvata^Adi-vRttitvaM pakSadharmatA//
(45)anumAnaM dvividhaM sva^arthaM para^arthaM ca/ tatra sva^arthaM sva^anumiti-hetuH/ tathA 
hi svayam eva bhUyo darZanena yatra dhUmas tatra agnir iti mahAnasAdau vyAptiM gRhItvA 
parvatasamIpaM gatas tad-gate ca^agnau sandihAnaH parvate dhUmaM paZyan vyAptiM smarati 
yatra dhUmas tatra^agnir iti/ tad-antaraM vahni-vyApya-dhUmavAn ayaM parvata iti jJAnam 
utpadyate/ ayam eva liGgaparAmarSaM ity ucyate/ tasmAt parvato vahnimAn iti jJAnam anumitir 
utpadyate/ tad etat sva^artha^anumAnam/ yat tu svayaM dhUmAd agnim anumAya para-
pratipatty-arthaM paJca^avayava-vAkyaM prayukte tat para^artha^anumAnam/ yathA parvato 
vahnimAn dhUmavattvAt/ yo yo dhUmavAn sa vahnimAn yathA mahAnasaH/ tathA ca^ayam/ tasmAt 
tathA^iti/ anena pratipAditAl lingAt paro'py agniM pratipadyate//
(46)pratijJA-hetu^udAharaNa^upanaya-nigamAni paJca^avayavaH/ parvato vahnimAn iti pratijJA/ 
dhUmavattvAd iti hetuH/ yo yo dhUmavAn sa so'gnimAn yathA mahAnasa ity udAharaNam/ tathA 
ca^ayam iti upanayaH/ tasmAt tathA^iti nigamanam//
(47)sva^artha^anumiti-para^artha-anumityor liGga-parAmarZa eva karaNam/ tasmAl liGga-
parAmarZA'numAnam//
(48)liGgaM trividham/ anvaya-vyatireki kevala^anvayi kevala-vyatireki ca^iti/ anvayena 
vyatirekeNa ca vyAptimad anvaya-vyatireki/ yathA vahnau sAdhye dhUmavattvam/ yatra dhUmas 
tatra^agnir yathA mahAnasa ity anvaya-vyAptiH/ yatra vahnir na^asti tatra dhUmo'pi na^asti yathA 
mahAhrada iti vyatireka-vyAptiH/ anvaya-mAtra-vyAptikaM kevala^anvayi yathA ghaTo'bhidheyaH 
prameyatvAt paTavat/ atra prameyatva^abhidhyatvayor vyatirekavyAptir na^asti sarvasya^api 
prameyatvAd abhidheyatvAc ca/ vyatirekamAtravyAptikaM kevala-vyatireki yathA pRthivI 
tarebhyo bhidyate gandhavattvAt/ yad itarebhyo na bhidyate na tad gandhavat/ yathA jalam/ 
na ca^iyaM tathA/ tasmAn na tathA^iti atra yad gandhavat tad itara-bhinnam ity anvayadRSTanto 
na^asti pRthivI-mAtrasya pakSatvAt//
(49)saMdigdha-sAdhyavAn pakSaH/ yathA dhUmavattve hetau parvataH//
(50)niZcita-sAdhyavAn sapakSaH/ yathA tatra^eva mahAnasaH//
(51)niZcita-sAdhya^a-bhAvavAn vipakSaH/ yathA tatra^eva mahAhradaH//
(52)savyabhicAra-viruddha-satpakSa^asiddha-bAdhitAH paJca hetvAbhAsAH//
(53)savyabhicAro'naikAntikaH/ sa trividhaH/ sAdhAraNa^asAdhAraNa^anupasaMhAri-bhedAt/ tatra 
sAdhya^a-bhAvavad-vRttiH sAdhAraNo anaikAntikaH/ yathA parvato vahnimAn prameyatvAd iti 
prameyatvasya vahny-a-bhAvavati hrade vidyamAnatvAt/ sarva-sapakSa-vipakSa-
vyAvRtto'sAdhAraNaH/ yathA Zabdo nityaH ZabdatvAd iti/ ZabdatvaM sarvebhyo 
nityebhyo'ntyebhyaZ ca vyAvRttaM Zabda-mAtra-vRtti/ anvaya-vyatireka-dRSTAnta-
rahito'nupasaMhArI/ yathA sarvam a-nityaM prameyatvAd iti/ atra sarvasya^api pakSatvAd dRSTAnto 
na^asti//
(54)sAdhya^a-bhAva-vyApto hetur viruddhaH/ yatra Zabdo nityaH kRtakatvAd iti/ kRtakatvaM hi 
nityatva^a-bhAvena^a-nityatvena vyAptam//
(55)yasya sAdhya-bhAva-sAdhakaM hetv-antaraM vidyate sa satpratipakSaH/ yathA Zabdo nityaH 
ZrAvaNatvAc chabdatvavad iti/ Zabdo'nityaH kAryatvAd ghaTavad iti//
(56)asiddhas trividhaH/ Azraya^asiddhaH svarUpa^asiddho vyApyatva^asiddhaZ ca^iti/ 
Azraya^asiddho yathA gagana^aravindaM surabhy aravindatvAt saro-ja^aravindavat/ atra 
gagana^aravindam AZrayaH/ sa ca na^asty eva/ svarUpa^asiddho yathA zabdo guNaZ cAkSuSatvAt/ 
atra cAkSuSatvaM Zabde na^asti Zabdasya ZrAvaNatvAt/ sa^upAdhiko vyApyatva^asiddhaH/ 
sAdhya-vyApakatve sati sAdhana^avyApaka upAdhiH/ sAdhya-samAna^adhikaraNa^atyanta^a-
bhAva^apratiyogitvaM sAdhya-vyApakatvam/ sAdhanavann iSTa^atyanta^a-bhAva-pratiyogitvaM 
sAdhAraNa-avyapakatvam/ parvato dhUmavAn vahnimattvAd ity atra^Ardra^indhasaMyoga upAdhiH/ 
tathA hi/ yatra dhUmas tatra^Ardra^indhna-saMyoga iti sAdhya-vyApakatA/ yatra vahnis 
tatra^Ardra-indhana-saMyoga^a-bhAvAd iti sAdhana^avyApakatA/ evaM sAdhya-vyApakatve sati 
sAdhana^avyApakatvAd ardra^indhana-saMyoga upAdhiH/ sa^upAdhikatvAd vahnimattvaM 
vyApyatva^asiddham//
(57)yasya sAdhya^a-bhAvaH pramANa^antareNa niZcitaH sa bAdhitaH/ yathA vahnir anuSNo 
dravyatvAd iti/ atra^anuSNatvaM sAdhyaM tad-a-bhAva uSNatvaM spArZana-pratyakSeNa gRhyata 
iti bAdhitatvam//
(58)upamiti-karaNam upamAnam/ saMjJA-saMjJi-saMbandha-jJAnam upamitiH/ tat-karaNaM 
sAdRZya-jJAnam/ atideza-vAkya^artha-smaraNam avAntara-vyApAraH/ tathA hi kaZ cid gavaya-
Zabda^artham ajAnan kutaZ cid AraNyaka-puruSAd go-sadRZo gavaya iti ZrutvA vanaM gato 
vAkya^arthaM smaran go-sadRSaM piNDaM paZyati/ tad-anantaram asau gavaya-Zabda-vAcya ity 
upamitir utpadyte//
(59)Apta-vAkyaM ZabdaH/ Aptas tu yathA^artha-vaktA/ vAkyaM pada-samUhaH/ yathA gAm 
Anaya^iti/ ZaktaM padam/ asmAt padAd ayam artho boddhavya iti^Izvara-saMketaH ZaktiH//
(60)AkAGkSA yogyatA saMnidhiZ ca vAkya^artha-jJAna-hetuH/ padasya pada^antara-vyatireka-
prayukta^anvaya^ananubhAvakatvam AkAGkSA/ artha^abAdho yogyatA/ padAnAm-
avilambena^uccAraNaM saMnidhiH//
(61)AkAGkSA^Adi-rahitaM vAkyam apramANam/ yathA gaur aZvaH puruSo hastI^iti na pramANam 
AkAGkSA-virahAt/ agninA siJced iti na pramANaM yogyatA-virahAt/ prahare prehare'saha^uccAritAni 
gAm Anaya^ity-Adi-padAni na pramANaM saMnidhy-a-bhAvAt//
(62)vAkyaM dvividham/ vaidikaM laukikaM ca/ vaidikam Izvara^uktatvAt sarvam eva pramANam/ 
laukikaM tv Apta^uktaM pramANam/ anyad apramANam//
(63)vAkya^artha-jJAnaM Zabda-jJAnam/ tat-karaNaM ZabdaH//
(64)a-yathA^artha^anubhavas trividhaH saMZaya-viparyaya-tarka-bhedAt/ ekasmin dharmini 
viruddha-nAnA-dharma-vaiZiSTya^avagAhi jJAnaM saMZayaH/ yathA sthANur vA purSo vA^iti/ 
mithyA-jJAnaM viparyayaH/ yathA ZuktAv idaM rajatam iti/ vyApya^AropeNa vyApaka^Aropas tarkaH 
yathA yadi vahnir na syAt tarhi dhUmo'pi na syAd iti//
(65)smRtir api dvividhA/ yathA^artha^a-yathA^arthA ca pramA-janyA yathA^arthA/ apramA-
janyA^a-yathA^arthA//
(66)sarveZAm anukUlatayA vedanIyaM sukham//
(67)sarveZAM pratikUlatayA vedanIyaM duHkham//
(68)icchA kAmaH//
(69)krodho dveSaH//
(70)kRtiH prayatnaH//
(71)vihita-karma-janyo dharmaH//
(72)niSiddha-karma-janyas tv a-dharmaH//
(73)buddhy-Adayo'STAv Atma-mAtraviZeSa-guNAH//
(74)buddhi^icchA-prayatnA dvividhAH/ nityA a-nityAZ ca/ nityA Izvarasya/ a-nityA jIvasya//
(75)saMskAras trividhaH/ vego bhAvanA sthiti-sthApakaZ ca^iti/ vegaH pRthivy-Adi-catuSTaya-
mano-vRttiH/ anubhava-janyA smRti-hetur bhAvanA^Atma-mAtra-vRttiH/ anyathA kRtasya punas 
tad-avasthA-pAdakaH sthiti-sthApakaH kaTa-Adi-pRthivI-vRttiH//
(76)calana^AtmakaM karma/ Urdhva-deZa-saMyoga-hetur utkSepaNam/ adho-deZa-saMyoga-hetur 
apakSepaNam/ ZarIra-saMnikRSTa-saMyoga-hetur AkuJcanam/ viprakRSTa-saMyoga-hetuH 
prasAraNam/ anyat sarvaM gamanam/ pRthivy-Adi-catuSTaya-mano-mAtra-vRtti//
(77)nityam ekam aneka^anugataM sAmAnyam/ dravya-guNa-karma-vRtti/ tad dvividhaM 
para^a-para-bhedAt/ paraM sattA/ a-paraM dravyatva^AdiH//
(78)nitya-dravya-vRttayo vyAvartakA viZeSAH//
(79)nitya-saMbandhaH samavAyaH/ a-yuta-siddha-vRttiH/ yayor dvayor madhya ekam a-
vinazyad-apara^AZritam eva^avatiSTate tAv a-yutasiddau/ yathA^avayava^avayavinau guNa-
guNinau kriyA-kriyAvantau jAti-vyaktI viZeSa-nitya-dravye ca^iti//
(80)an-AdiH sa-antaH prAg-a-bhAvaH/ utpatteH pUrvaM kAryasya/ sa^Adir an-antaH pradhvaMsaH/ 
utpatty-an-antaraM kAryasya/ traikAlika-saMsarga^avacchinna-pratiyogitAko'tyanta^a-bhAvaH/ 
yathA bhUtale ghaTo na^asti^iti/ tAdAtmya-saMbandha^avacchinna-pratiyogitAko'nyonya-a-bhAvaH 
yathA ghaTaH paTo na bhavati^iti//
(81)sarveSAM pada^arthAnAM yathA-yatham ukteSv antarbhAvAt sapta^eva pada^arthA iti siddham//
kANAda-nyAya-matayor bAlA-vyutpatti-siddhaye/
annaMbhaTTena viduSA racitas tarkasaMgrahaH//